منتديات بن صقر للسفر والسياحة
مرحبا بكم في منتديات بن صقر للسفر والسياحة
ان كنت زائراً جديدا يرجى التسجيل لتتمتع بكافة الخصائص
وان كنت عضوا لدينا يرجى الدخول باسم المستخدم وكلمة السر
مرحبا بكم معنا

منتديات بن صقر للسفر والسياحة

مرحبا بك يا زائر من جديد
 
الرئيسيةالرئيسية  بوابة بن صقربوابة بن صقر  بحـثبحـث  التسجيلالتسجيل  دخولدخول  
مرحباً بكم في موقع منتديات بن صقر للسفر والسياحة خيار المسافر العربي الاول
عروض خاصة جدا بمناسبة العام الجديد لا تتردد في طلبها الآن
يمكنكم التواصل مع خدمة العملاء عن طريق الرقم الموحد 920004450 او عن طريق مكتبنا الرئيسي 6522257 وعند حالات الطواريء على 0504317073 او 0500414730 مرحبا بكم دوماً
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 معلومات مهمة لكل سياح ماليزيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مهاوي
نائب المدير
avatar

عدد المساهمات : 158
تاريخ التسجيل : 22/08/2009

مُساهمةموضوع: معلومات مهمة لكل سياح ماليزيا   الخميس يناير 28, 2010 8:05 pm








سلآم عليكم
..


يسعد ربي اوقاتكم وان شالله يكون الجميع بخير ..


صراحه شفت موضوع يخص القطارات ورديت رد ططويييييل وللاسف انمسح .. فـ
قلت انزل موضوع منه يستفيد اخوي الي حاب يعرف الاجابه ويستفيد الجميع ..


وهالموضوع للقطارات والتوفير وبعض النصائح ..


قطارات ماليزيا الي بالعاصمه KL Monorail , Kelena jaya line


هذي القطارين المهمه والسهلين .. في قطار يوصل من سلنقور قريب من الصن
واي براميد , الصن واي لاقون .. بس يلخبط ولحسه فـ افضل عدم ذكرهـ ..




نبدأ في قطار KL Monorail


راح اذكر اهم المحطات والمنطقه السياحيه القريبه منها واعذروني اذا نسيت
شيء او ماذكرت شيء ..[ندعوك للتسجيل في المنتدى أو التعريف بنفسك لمعاينة هذه الصورة]


- محطة IMBI ..... تنزل من القطار تلقى نفسك بالتايمز سكوير ..


- من نفس المحطه الى محطة Bukit bintang ........ شارع العرب سعر
التذكره اقل من 1.20 RM


- محطة Chow kit ..... سوق قديم وبصراحه ماانصح اي شخص يروحه لانعدام
الامان بهالمنطقه ولقلة الاشخاص الناطقين بالانجليزية .. انا رحت وتورطت
وندمت ولا انصح اي شخص بالذهاب له ..


- محطة KL Sentral المركز الرئيسي للقطارات .. وكل القطارات تمر على
هالمحطه وتعتبر المحطة الرئيسية .


____________


قطار Kelena jaya line


- محطة KLCC .... اول ماتنزل من القطار تلقى نفسك بالبرجين والمحطه تحت
البرجين بالظبط " بتروناس توين تاورز "


- محطة Pasar sini ... تمشي مسافه بسيطه جدا 3 دقائق وانت بالسوق الصيني
او بالاصح الحي الصيني " تشاينا تاون "


- محطة Gombak او بالمسمى الاخر Terminal putra ونطقها تمينا بوترا يعني
اسحب على حرف R لووول .. المحطه هذي تعتبر اخر محطة بالقطار وقريبه عن
الجامعه الاسلامية وعن جنتنق .. طبعا بس تنزل من المحطه هذي اسأل على مكتب
جنتنق واحجز تذكره وروح بـ 35 او 40 يوصلوك للتلفريك والتذاكر عليهم واظن
اللعب عليهم .. ابرك لك من تكسي بـ 200 ولا 300 .


محطة Masjad Jamek ....... وهذي المحطه قريبه من عدة اشياء .. المسجد
الجامع الكبير بس صراحه ماعرفه ولا رحته ههههه .. محطة الباصات بودورايا
سنتر .. التشاينا تاون بس بعيد شوي يبيلك تمشي مسافه 7 دقايق .. يعني بزار
سني اقرب ..




المهم ..//


قمت بذكر اهم المحطات الي اعرفها واذا ماذكرت وحدهـ مهما فـ يعني ذلك
جهلي لها او نسيانها ..


ملاحظه مهمه جدا جدا .. عند الركوب للقطار راح تقطع تكت وتروح .. طبعا
البعض حريص يسأل والبعض يقرأ والبعض يركب ع البركه ههههههههه ..


خليك حريص بالنسبه لركوب القطار يكون قبل ماتطلع الدرج بتلقى لوحتين ..
لوحة بلات فورم 1 .. بلات فورم 2 .. طبعا انت بتشوف المحطه الي تبيها بتروح
بلات فورم 1 ولا بلات فورم 2 .. طبعا اذا كنت بتروح محطه تبيها ورحت العكس
لازم تغير القطار عشان مايضيع وقتك ع الفاضي ..


اسعار تذاكر القطار من 1 رنقت الى 2.50 رنقت او 3 رنقت مستحيل تتجاوز
هالمبلغ .. كل محطه لها سعر ..




وبالنسبه للقطارين كل 3 دقايق الى 6 دقايق يجي قطار ويروح قطار ..


___________


نيجي للباصات ..


اذا تبي تروح لنكاوي لاتروح بتكسي يرحم امك رح بطيارة اوفر لك ولا رح
بباص ..


ركبت مع تكسي سألته عن السعر لنكاوي قلي 600 [ندعوك للتسجيل في المنتدى أو التعريف بنفسك لمعاينة هذه الصورة]


طبعا اسعار التذاكر بالنسبه لطيران من 270 الى 370 رايح جاي من كوالا
لمبور .


الباص 43 رنقت ويوصلك لـ مدينه اسمها كوالا كدحا او كوالا بيرسل وتاخذ
الفيري " قارب " بـ 18 رنقت لين لنكاوي .. يعني التكلفه اقل من 70 . والمده
7 او 8 ساعات ..


....


منتجع افا موسى الواقع بمدينة ملاكا .. يرحم امك لاتروح بتكسي بـ 300
ولا بـ 200 .. رح من بودورايا بباص بـ 12 رنقت هههههه ولا تدفع 300 على
تكسي ..


....


اي مكان تبي تروحه بماليزيا اسأل عن وسائل المواصلات بتلقى الاوفر ..
مهما كنت لو كنت تملك ملايين .. لاتصرف فلوس على شيء في بديل له .. وعلى
فكره قطارات ماليزيا مكيفة وروعه وتشوف مناظر حلوة .. باصات ماليزيا مو زي
حقت البطحا بالرياض .. باصاتهم كنك راكب الدرجه الاولى او البزنس ديقري
بالطياره .. الكرسي مره كبير وتقدر تسدحه براحتك اتكلم عن باصات المدن وليس
باصات النقل وسط المدينه RibedKL ..


بالتوفيق والله يهديكم يالسياح العرب في شي بداخلي ابيه يوصل لكل سائح
عربي اتمنى يمرو على موضوعي ..


اتمنى من الله الهدايه لسياح العرب الي يروحو بدون لغه .. اتكلم الي
لغته 0 .. لانك ماراح تقدر تمشي نفسك .. اقل شيء عشان تروح تكون لغتك مستوى
3 وفوق عشان تمشي نفسك وتكون عارف وش يصير ..


لمن تكون بـ اي مكان وماتلقى الاسعار ثابته كاسر تعرف ايش تكاسر فاصل
بالسعر .. اقسم بالله يااخوان ماهو عيب العيب انه يقولك سعر الشغله بـ 200
وهي ماتسوى 20 وتشتريها .. والله يااخوان اشوف بعض السياح ودي انصحه بس
اخاف يزبد لي يقولي وش دخلك .. تشاينا تاون سوق الحرميه لابد من المكاسره
والمكاسره الاقوى من اي شيء بالعالم واذا قلك عطني سعر قوله انا مااعرف سعر
البضاعه انت البياع اقولكم بالانجليزي وش تتكلمو ؟


Last price < اخر سعر يعني زي كم اخر كم اخر وانت تكلم هندي .. ترى
هالكلمتين اختصار لـ Give me last price بس كتبت لاست برايس عشان الي
مايقدر يحفظها ..


واذا قلك عطني سعر واعطاك الاله الحاسبه كعادتهم الخايسه قوله عطني اخر
سعر ولا امشي البضاعه بتلقاها بـ محل وثاني وثالث لانهم كلهم نفس البضاعه
..


والله يااخوان مااتكلم الا من حرصي عليكم ولو منتو مثل اخواني ماكتبت
هالكلام .. بس والله الواحد يتحسف يوم يشوف ابن بلده ولا ابن دينه وينضحك
عليه وهو عارف ويسكت والله قوية .. واخر شي اقول الله يهديني ويهديكم ..
الرجوع الى أعلى الصفحة اذهب الى الأسفل
مراسي
عضو نشط
عضو نشط
avatar

الوجهة السياحية المفضلة : كندا وماليزيا وباريس
عدد المساهمات : 33
تاريخ التسجيل : 14/09/2009
العمر : 26

مُساهمةموضوع: رد: معلومات مهمة لكل سياح ماليزيا   الجمعة يناير 29, 2010 5:02 am

يعطيكي العافيه مهاوي على الطرح

جد انا احب ماليزيا ونفسي اروحها بس

انا ابغى اوقف عند بابها حتى ما ابغى اطول فيها

لاني احس اني زي السمكه يوم تخرج من جده ....اااه اقصد من المويا

ههههههههههههههههه

بس بصراحه في معلومات تعتبر مهمه وحلوه

يعطيكي الف عافيه وتقبلي مروري

ترا نسيت انك كاتبه

معلومات مهمة لكل سياح ماليزيا


بس يالله تقبلي مروري Smile
الرجوع الى أعلى الصفحة اذهب الى الأسفل
مهاوي
نائب المدير
avatar

عدد المساهمات : 158
تاريخ التسجيل : 22/08/2009

مُساهمةموضوع: رد: معلومات مهمة لكل سياح ماليزيا   الجمعة يناير 29, 2010 6:55 am

يسلموا
الرجوع الى أعلى الصفحة اذهب الى الأسفل
 

معلومات مهمة لكل سياح ماليزيا

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بن صقر للسفر والسياحة :: السياحة والحجوزات :: سياحة الدول الآسيوية :: ماليزيا-
انتقل الى: